Dhoma e Tregtisë dhe Industrisë Kosovë mirëpret si anëtare të re kompaninë “PROCO Holding”, një grup të fuqishëm korporatash që operon në sektorin e ndërtimit, prodhimit dhe tregtisë, duke mbuluar të gjithë zinxhirin e shërbimeve dhe furnizimit në Kosovë dhe rajon.
Në kuadër të PROCO Holding funksionojnë disa kompani udhëheqëse në treg:
PROBETON – një nga prodhuesit më të mëdhenj të betonit dhe elementeve të betonit, me:
2 fabrika në Prishtinë
1 fabrikë në Gjilan
1 fabrikë për elemente betoni në Viti
PROASPHALT – kompani e specializuar në prodhimin dhe shtrimin e asfaltit, që vepron në Kosovë dhe Shqipëri, me:
Fabrikë asfalti në Viti (Kosovë)
Fabrikë asfalti në Vlorë (Shqipëri)
ZHAVORI Company – prodhues dhe përpunues i materialeve inerte dhe agregateve, furnizues kyç për industrinë e ndërtimit.
PROOIL – kompani e fuqishme në tregtimin e derivateve të naftës me pakicë dhe shumicë, aktive në Kosovë dhe Shqipëri.
FlorinG – importues i çimentos dhe përfaqësues ekskluziv i gjigantit Heidelberg Materials në Kosovë.
Me një rrjet të integruar fabrikash, kapacitete moderne dhe përkushtim maksimal, PROCO Holding garanton cilësi, qëndrueshmëri dhe inovacion në çdo projekt ndërtimor, duke forcuar sektorin e infrastrukturës në Kosovë dhe rajon.